നീയോര്‍മ്മിക്കുന്നുവോ,

മറന്നുവെച്ച  ബാല്യം തേടി

കൈവിരലുകള്‍ കോര്‍ത്ത് പിടിച്ച്

നാം വകഞ്ഞുമാറ്റിയ ഈ

കാട്ടകങ്ങളെ?

ഓര്‍മ്മകളുടെ ഈ വള്ളിപടര്‍പ്പിലൂടെ

എന്നെ തനിച്ചാക്കിയൊടുവില്‍

നീയും പിടിച്ചുകയറിയില്ലേ 
കണ്ണാരം പൊത്തിക്കളിക്കാന്‍

ആ നക്ഷത്ര കൂട്ടിലേക്ക്..


കാടുപിടിച്ചുകിടക്കുന്നുണ്ട്

ഇന്നും,

ഓര്‍മ്മകളെ  മൂടിയുറക്കി

വള്ളിപ്പടര്‍പ്പുകള്‍ക്കിടയില്‍

നമ്മുടെ...

അല്ല, നഷ്ടങ്ങള്‍ എന്റേത് മാത്രം!

കിന്നാരം

കിന്നാരം കാതോര്‍ത്ത്, 

പായേരം ചൊല്ലിപ്പറഞ്ഞ്, 

പെയ്തൊഴിയാന്‍ വീണ്ടും 

ആ പെയ്ത്ത്ക്കാലം..

കുളിര്ക്കോരിയെറിഞ്ഞ്

കോരിത്തരിപ്പിക്കുമിവള്‍
സൂക്ഷിച്ച് വെച്ചിട്ടുണ്ട്,
വിടപറയും നേരം

സമ്മാനിക്കാന്‍

ചുട്ടുപൊള്ളുന്നൊരു വേനലിനെ..

വാടിതളര്‍ത്തുമാ വേനല്‍ ജ്വരത്തിലും

കരുതി വെച്ചിരിക്കുമെന്നാലും

പെയ്തൊഴിക്കാനായിവള്‍ കുറേ

സ്നേഹക്കുളിരുള്ള മഴയോര്‍മ്മകള്‍...

എന്‍റെ മഴേ..

എന്‍റെ മഴേ, എന്തിനിങ്ങിനെ

ആണ്ടിലൊരിക്കലോടിയെത്തി 

പെയ്ത് പെയ്ത് കുറുമ്പുകാട്ടി 

ഓടിയൊളിക്കുന്നത് നീ...?

വസന്തം കാത്തൊരു ഒറ്റമരം..

ഓര്‍മ്മകള്‍ പൊഴിഞ്ഞൊരു

ഒറ്റമരം,

വീണ്ടെടുക്കാനൊരു 

വസന്തം കാത്ത്...

ഉണര്‍ന്നുയരാനൊരു ഉറക്കാഴം തേടി..

ഉണര്‍ന്നുയരാന്‍ ഉറങ്ങേണം 

ആഴങ്ങളിലേക്കാഴ്ന്നാഴ്ന്ന്..!

തോണിക്കാരനും അവന്‍റെ പാട്ടും..

തോണിക്കാരനുമവന്‍റെ പാട്ടും കൂടണഞ്ഞു
തേങ്ങിത്തളര്‍ന്നൊരു ചെറുമക്കുടിലില്‍
വിളക്കണഞ്ഞു..
നിറയുമോര്‍മ്മകളെന്‍റെ നെഞ്ചില്‍
പിടയുമോളങ്ങള്‍ നിന്‍റെ നെഞ്ചില്‍

നിനകുമെനിക്കുമുറക്കമില്ലല്ലോ കായലേ....!

കര കായലിനോട്!

കടല്‍ തേടിയൊരു കര, 

കായലാഴങ്ങളില്‍

ഇലകള്‍ പച്ച, പൂക്കള്‍ ചോപ്പ്..

കാന്താരി!

കടുംചന്തമോലും നിറവും 

കടുംരസമേകും രുചിയും..

കള്ളിയാണിവള്‍!

മഴയോര്‍മ്മകള്‍

ഓര്‍മ്മകളില്‍ പെയ്യുന്നുണ്ട്, 

ആര്‍ത്തലച്ചാ മഴക്കാലം..!